03 Jul KOLEGJI I POSAÇËM I APELIMIT (KPA), ANKUES: SUBJEKTI I RIVLERËSIMIT znj. Alma Liçaj
GJYKATA KUSHTETUESE
KOLEGJI I POSAÇËM I APELIMIT
Nr. 1/2019 regjistër (JR) Nr. 23 i vendimit
Datë 08.01.2019 Datë 23.09.2019
VENDIM
NË EMËR TË REPUBLIKËS
Trupi gjykues i Kolegjit të Posaçëm të Apelimit, i përbërë nga gjyqtarët:
Luan Daci Kryesues
Natasha Mulaj Relatore
Albana Shtylla Anëtare
Rezarta Schuetz Anëtare
Sokol Çomo Anëtar
– mori në shqyrtim në dhomë këshillimi, më datë 23.09.2019, ora 10:00, në ambientet e Kolegjit të Posaçëm të Apelimit, në prani të Vëzhguesit Ndërkombëtar Ferdinando Buatier de Mongeot, me Sekretare Gjyqësore Elba Arapi, çështjen e Juridiksionit të Rivlerësimit nr. 1, datë 08.01.2019, që i përket:
ANKUES: Subjekti i rivlerësimit, znj. Alma Liçaj, gjyqtare me detyrë kryetare pranë Gjykatës së Apelit Vlorë.
OBJEKTI: Shqyrtimi i vendimit nr. 78, datë 15.11.2018, i Komisionit të Pavarur të Kualifikimit.
BAZA LIGJORE: Neni 62 e vijues, neni 66, pika 1, germa “b” e ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”.
Trupi gjykues i Kolegjit të Posaçëm të Apelimit,
pasi shqyrtoi çështjen në tërësi, në dhomë këshillimi, në përputhje me parashikimet e nenit 65 të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” (në vijim “ligji nr. 84/2016”), dëgjoi gjyqtaren relatore të çështjes Natasha Mulaj, analizoi shkaqet e ankimit të subjektit të rivlerësimit, si dhe pasi e bisedoi atë,
PËR KËTO ARSYE,
trupi gjykues i Kolegjit bazuar në nenin 66, pika 1, germa “a” e ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”,
VENDOSI:
- Lënien në fuqi të vendimit nr. 78, datë 15.11.2018, të Komisionit të Pavarur të Kualifikimit që
i përket subjektit të rivlerësimit, znj. Alma Liçaj.
- Ky vendim është përfundimtar, me efekt të menjëhershëm.
U shpall sot në Tiranë, më datë 23.09.2019, ora 16:00
No Comments