21 Jun KOLEGJI I POSAÇËM I APELIMIT (KPA), ANKUES: Komisioneri Publik Darjel Sina
GJYKATA KUSHTETUESE
KOLEGJI I POSAÇËM I APELIMIT
Nr. 21 regjistër (JR) Nr. 2 i vendimit
Datë 26.06.2020 Datë 13.01.2021
VENDIM
NË EMËR TË REPUBLIKËS
Trupi gjykues i Kolegjit të Posaçëm të Apelimit, i përbërë nga gjyqtarët:
Rezarta Schuetz Kryesuese
Ina Rama Relatore
Albana Shtylla Anëtare
Ardian Hajdari Anëtar
Natasha Mulaj Anëtare
‒ mori në shqyrtim në seancë gjyqësore publike, më datë 13.01.2021, ditën e mërkurë, në orën 10:00, në ambientet e Kolegjit të Posaçëm të Apelimit, në prani të Vëzhguesit Ndërkombëtar Tonči Petković, me Sekretare Gjyqësore Elba Arapi, çështjen e Juridiksionit të Rivlerësimit që i përket:
ANKUES: Komisioneri Publik Darjel Sina.
OBJEKTI: Shqyrtimi i vendimit të Komisionit të Pavarur të Kualifikimit nr. 249, datë 06.03.2020, i cili i përket subjektit të rivlerësimit Piro Samara, inspektor pranë Këshillit të Lartë të Drejtësisë.
BAZA LIGJORE: Neni 179/b, pika 5 e Kushtetutës; nenet C, pika 2, F, pika 2 e Aneksit të Kushtetutës; neni 63 i ligji nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”
PËR KËTO ARSYE,
trupi gjykues, bazuar në nenin 66, pika 1, germa “b” e ligjit nr. 84/2016 “Për rivlerësimin kalimtar të gjyqtarëve e prokurorëve në Republikën e Shqipërisë”,
VENDOSI:
Ndryshimin e vendimit të Komisionit të Pavarur të Kualifikimit nr. 249, datë 06.03.2020, si më poshtë.
- Ndërprerjen e procesit të rivlerësimit kalimtar që i përket subjektit të rivlerësimit Piro Samara, me detyrë inspektor pranë ish-Këshillit të Lartë të Drejtësisë.
- Të deklarojë humbjen e së drejtës së subjektit të rivlerësimit për t’u emëruar si gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm, për një periudhë 15-vjeçare.
- Ky vendim është përfundimtar dhe ka efekt të menjëhershëm.
U shpall në Tiranë, më datë 13.01.2021
No Comments